Baroota jijjiirama dabretti sirna Federaaliziimii dhugaa ijaaruuf hojiileen raawwataman bu’aa qabatamaa argamsiisuu isaa Af-Yaa’iin Mana Maree Federeshinii Aaganyaw Tashaagar ibsan.
Obbo Aganyahu AMN waliin turtii taasisaniin, Sirni Federaaliziimii mirga uummatni ittin of bulchu kan mirkaneessu akka ta’e himuun kunis sirna federaaliziimii dhugaa kan agarsiisuu akka ta’es ibsaniiru.
Uummatni sirna federaaliziimii hordofuun ofiin of bulchuufi Afaan isaanitiin akka tajaajilamaa jiran kan ibsanObbo Aganyahu madaala eenyummaafi Itoophiyaanummaa giddu jiru sirreessuun akka danda’ames ibsaniiru.
Keessattuu mootummaan jijjiiramaa federaaliziimii dhugaa lafa qabsiisuuf tattaaffi cimaa taasisaa akka tures ibsaniiru.
Itoophiyaa keessatti fiixeen yaadoota lama akka jiru kan dubbatan Obbo Aaganyaw, isaaniis ilaalcha fottoqiinsaafi ilaalcha abbaa irree akka ta’e ibsaniiru.
Yaadonni lachuu Itoophiyaa fi lammiilee Itoophiyaa akka hin fayyadne kan himan, biyyaattin tokkummaa biyyaalessaa mirkaneessuun haqa qabeessaa fi walqixxummaan waliin jiraachaa akka jiran ibsaniiru.
Kanaas mirkaaneessuuf hojiin hojjetamaa jiraachuu kan ibsan Obbo Aaganyaw, guyyaan Sabootaa, Sablammootaafi Uummatoota Itoophiyaa kabajama akka jiru himaniiru.
Guyyaan Sabootaa, Sablammootaafi Uummatoota Itoophiyaa 20ffaan barana mata duree “ Dimokiraasin Waliigaluun Tokkummaa Biyyaalessaaf” jedhuun Hosa’aanatti akka kabajamus ibsaniiru.
Habtaamuu Mul’ataatu gabaase
