Shakkamaa bilbila hatuun laga seenuun miliquuf yaale hordofuun to’annoo jala oolchuu isaa Qajeelchi Waliigalaa Poolisii Magaalaa Finfinnee beeksise.
Shakkamaan kaalid Ahimad jedhamu Kutaa Magaalaa Boolee Aanaa 3 Naannoo Riqicha Impeeriyaalitti yakka hanna bilbilaa akka raawwate poolisiin ibseera.
Miidhamaan dhuunfaa osoo daandii irra adeemaa jiruu shakkamaan kun saffisaan Itti fiiguun bilbila harkaa butee miliquuf osoo yaaluu, hordoffii qaamolee nageenyaa yakka ittisaniin to’atamuu akka danda’ame eerameera.
Shakkamanis bilbila fudhatee laga seenuun riqicha jala erga dhokatee booda hordoffi cimaa miseensonni Poolisii taasisan turtii sa’aatii tokkoo booda akka to’atame poolisiin ibseera.
Poolisiinis shakkamticha to’achuun qorannoo bal’aa irratti gaggeessaa akka jiru beeksiseera.
Poolisiin yeroo kam iyyuu caalaa wareegama barbaachisu kaffaluun olaantummaa seeraa kabachiisuuf tattaaffii taasisaa jiraachuu hubachiiseera.
Hawaasnis bakkeewwan rakkoon saaxilamuuf mijataa ta’anitti of eeggannoo barbaachisu akka taasisu ibsa Qajeelchi Waliigalaa Poolisii Magaalaa Finfinnee AMN’f ergeen ibseera.
#AMN
#Ser-alummaa
#Poolisii
