AMN PLUS- Ebla 23/2018
Paarkiin Araadaa jiraattotaaf mijataa, magaalaaf miidhagina, yaa’iinsa tuuristiif carraa guddaa kan fide ta’uu Kantiibaan Magaalaa Finfinnee Aadde Adaanech Abeebeen himan.
Aadde Adaanech ergaa miidiyaa hawaasummaa isaaniin dabarsaniin “Araadaan bakka bashannanaa gahaa magaalaa keenyaaf mul’ataan qabanne keessaa tokko” jedhan.
Qe’ee miidhagaa Araadaatti Gaalarii Seenaan daawwatamu, bakka daldalaa, Supper Maarkeetii, baankii, kaafteeriyaa, galma, hoteela, mana rifeensaa, jiimnaaziyeemii, daandii fiigichaa kan hammatedha.
Fincaa’aa bishaanii ammayyaa, bakka tapha ijoolleefi bakki dhaabbii konkolaataa gahaan qophaahuus eeran.
“Kun bifa magaalaa keenyaa kan jijjiiredha” kan jedhan Aadde Adaanech, baatiiwwan itti aananiif jiraattota magaalaaf bilisaan banaa ta’uu himan.
Jiraattonni giddugaloota Paarkichaatii waa bitachuufi bashannanuu akka danda’an waamicha dhiyeessaniiru.
