AMN- Muddee 12/2017
Waliigaltee biyyaalessaa uumuu keessatti ga’een namoota beekamoofi dhiibbaa uumtootaa olaanaa ta’uu Komishiniin Marii Biyyaalessaa Itoophiyaa beeksise.
Komishiniin Marii Biyyaalessaa Itoophiyaa Naannoo Oromiyaatti Waltajjii ajandaa marii walitti qabuu namoota beekamoofi dhiibbaa uumtoota hirmaachise Magaalaa Adaamaatti gaggeessaa jira.
Komishinarri Itti aantun Komishinii Marii Biyyaalessaa Itoophiyaa Aadde Hiruut Gabrasillaasee, namni beekamaan beekadha, beekan ammoo beekumsaa isaan biyya ijaara jedhan.
Kanumaarraa ka’uun, hirmaattoonni kunneen, dhimmoota madda rakkoo biyyaa ta’an adda baasuun, furmaata akka argatan taasisuun ga’ee isaanii akka ba’atan Aadde Hiruut gaafataniiru.
Komishinarri Komishinii Marii Biyyaalessaa Itoophiyaa Dr. Ambaayee Ogaatoo, hayyoonni maricharratti hirmaatan ajandaalee biyya ijaaran, ceesisaniifi walii galtee biyyaalessaa fidan waltajjii itti dhiyeessan ta’uu ibsan.
Guddataa Ajjamaatu Gabaase
