Ayyaanni Irreechaa ”Malkaan Baaroo” magaalaa Gaambeellaatti waloominaa fi walitti dhiyeenyi karaa itti cimuun kabajameera.
Irreecha uummata Oromoo qofa otuu hintaanee ayyaana guutummaa Itoophiyaanotaa ta’uu ayyaanni irreecha malkaa Baaroo agarsiiftuudha jedhaniiru hirmaattonni.
Jaarsi biyyaa magaalaa Gaambeellaa Obbo Uudool Aguwaa uummanni Itoophiyaa aadaa fi dudhaa isaa eeguun dhalootaaf dabarsuu kan isa dandeessisu qabeenya aadaa keessaa tokko ayyaana Irreechaati jedhaniiru.
Ayyaanichi magaalaa Gaambeellaatti ho’inaan kabajamuun uummanni Oromoo fi uummanni Gaambeellaa walitti hidhamiinsa hawaasummaa fi diinagdee caalmaatti kan cimsu ta’uu ibsaniiru.
Har’a magaalaa Gaambeellaatti kan kabajame ayyaana Irreechaa malakaa Baaroo irratti abbootiin Gadaa haadholiin siinqee akkasumas jiraattoti magaalaa Gambeellaa fi keessummooti argamuu TOI tu gabaase.
