{"id":18302,"date":"2026-04-21T12:03:16","date_gmt":"2026-04-21T12:03:16","guid":{"rendered":"https:\/\/www.amn.gov.et\/oro\/?p=18302"},"modified":"2026-04-21T12:03:21","modified_gmt":"2026-04-21T12:03:21","slug":"finfinneen-geejjiba-magariisaa-babalistuun-sagaleen-konkolaataawwanillee-akka-nama-hin-jeeqne-taasisaa-jirti-dw","status":"publish","type":"post","link":"https:\/\/www.amn.gov.et\/oro\/18302\/","title":{"rendered":"Finfinneen geejjiba magariisaa babal’istuun sagaleen konkolaataawwanillee akka nama hin jeeqne taasisaa jirti – DW"},"content":{"rendered":"\n

AMN PLUS – Ebla 13\/2018<\/p>\n\n\n\n

Itoophiyaan bara 2030’tti konkolaataawwan elektirikaa Kuma 500 ta\u2019an qabaachuuf galmi qabattee hojjataa jirtu, gamanumaan milkiin eegalamuu isaa gabaasni DW suur-sagaleen Finfinneetti argamuun qopheesse ni agarsiisa.<\/p>\n\n\n\n

Haaluma kanaan Finfinneen geejjiba magariisaan boqonnaa haaraatti; imala mijataan egereetti tarkaanfachaa jiraachuu gabaasni kun addeesseera.<\/p>\n\n\n\n

Gabaasni DW miidiyaan beekamaa biyya Jarmanii konkolaataawwan elektirikaa magaalaa Finfinnee keessa daandiiwwan bal’ina qaban, koriidarii miidhagaafi magaalaa hawwattummaan hunda ofitti waamaa jirtu keessa yeroo imaltoota isaanii qabatanii asii fi achi deddeebi’an sirriitti mul\u2019isa.<\/p>\n\n\n\n

\"\"<\/figure>\n\n\n\n

Awutoobusootni elektirikaa 100 ol ta\u2019an jiraattotaafi keessummoota magaalaa Finfinnee daawwachuuf dhufan deddeebisan, kan miidhagina Finfinnee sirriitti ilaaluuf haala mijeessan fakkaatu.<\/p>\n\n\n\n

Konkolaachistuun Awutoobusii Elektirikaa Shaashee Asmaara konkolaataawwan elektrikaa kunneen kan boba\u2019aan hojjatan irraa adda ta\u2019uu jechuun sagaleen isaanii kan jiraattotaafi imaltoota hin jeeqne ta\u2019uu DW’tti himteetti.<\/p>\n\n\n\n

Itoophiyaan bara darbe Madda Anniisaa Elektirikaa Afrikaa irraa guddinaan kan jalqabaa ta\u2019e Hidha Haaromsaa Guddichaa Itoophiyaa humna Meeggaa Waattii 5,150 maddisiisuufi oomisha anniisaa dachaan dabalu ALA’tti bara 2025’tti hojiitti galchuu kan eeru gabaasni DW biyyattiin humna elektirikaa % 97 ta\u2019u madda anniisaa qulqulluu irraa argamsiisaa jiraachuu ibseera.<\/p>\n\n\n\n

Kunis damee geejjiba magariisaa Itoophiyaan hojiitti hiikaa jirtuuf galtee gaarii ta\u2019uu ibseera.<\/p>\n\n\n\n

\"\"<\/figure>\n\n\n\n

Naannoo irratti qorannoo kan taasisan Injinar Mihiratuu Daannaatoo Itoophiyaan konkolaataawwan elektirikaa fayyadamuun jijjiirama qilleensaa sadarkaa addunyaatti yaaddoo olaanaa ta\u2019e qolachuuf sosochiin eegalte milkaa\u2019ina argamsiisaa jiraachuu gabaasa kana irratti dubbataniiru.<\/p>\n\n\n\n

Finfinneetti konkolaataawwan elektirikaa waggaa darbe tajaajila kennuu eegalan guyyaatti imaltoota Kuma 90\u2019f tajaajila kennaa jiran kunneen qilleensa kan hin faalle yoo ta\u2019an, mallattoo tasgabbii magaalaa Afrikaa guddittii saffisaan guddachaa jirtuu ta\u2019uu gabaasni DW kun ibseera.<\/p>\n\n\n\n

Jiraattotni magaalattii konkolaataawwan kanneenitti fayyadaman mijaa\u2019ina isaanii caalaa kan sagaleen isaanii nama hin jeeqnee fi naannoo hin faalle ta\u2019uu irra darbee, agarsiistuu guddina Itoophiyaa ta\u2019uu ibsaniiru.<\/p>\n\n\n\n

\"\"<\/figure>\n\n\n\n

Itoophiyaan waggaatti sharafa alaa Yuuroo Biliyoona Afur (4) ta\u2019u bittaa boba\u2019aaf kan baastu ta\u2019uu gabaasni yaadachiisu kun Itoophiyaan dursitee sababaa waraana Baha Giddu Galeessaa keessatti deemaa jiruun rakkoo dhufu dursitee waan hubatte haala fakkaatuun ALA’tti Bara 2024 gara filmaata geejjiba magariisaatti kan fuulleffatte ta\u2019uu hubachiisa.<\/p>\n\n\n\n

Baay\u2019inni konkolaataawwan elektirkaa yeroo ammaa biyyattii keessa jirus gara Kuma 120 gahuu kaasuun konkolaachistootni elektrikaas baasii isaanii qusachuuf isaan gargaaruu ibsuun buufataaleen chaarjessaa Finfinnee keessatti sa\u2019aatii 24 hojjatan gara magaalota birootti akka babal\u2019atu yaada qaban qoodaniiru.<\/p>\n\n\n\n

Finfinneetti baasiiwwan giddu galeessaafi xixiqqqaa gara elektirikaatti jijjiiruun tajaajila si\u2019ataa, saffisaafi faalama qilleensaa irraa bilisa ta\u2019e kennuuf sochiin eegalame daran cimee itti fufuu DW gabaasa suur-sagaleen qindeesseen hordoftoota isaa biraan gaheera.<\/p>\n\n\n\n

Malkaamuu Abbabaatiin<\/p>\n

\n\n

\n\t\t\t0 Reviews ( 0 out of 0 ) <\/h3>\n
\n\n \n\n\t\t\t\t\n <\/div>\n\n\t\t\t\n <\/div>\n\n <\/div>\n\n\t\n
\n\n
\n

\n\t\t\t\tWrite a Review <\/h3>\n\n\t\t\t\n
\t\t\t\t
\n\n\t\t\t\t\t \t\t\t\t\t\t
\n\t\t\t\t\t\t\t
    \n\t\t\t\t\t\t\t\t \t\t\t\t\t\t\t\t\t
  • \n\t\t\t\t\t\t\t\t\t\t \t\t\t\t\t\t\t\t\t\t\t <\/i>\n\t\t\t\t\t\t\t\t\t\t \t\t\t\t\t\t\t\t\t <\/li>\n\t\t\t\t\t\t\t\t \t\t\t\t\t\t\t\t\t
  • \n\t\t\t\t\t\t\t\t\t\t \t\t\t\t\t\t\t\t\t\t\t <\/i>\n\t\t\t\t\t\t\t\t\t\t \t\t\t\t\t\t\t\t\t <\/li>\n\t\t\t\t\t\t\t\t \t\t\t\t\t\t\t\t\t
  • \n\t\t\t\t\t\t\t\t\t\t \t\t\t\t\t\t\t\t\t\t\t <\/i>\n\t\t\t\t\t\t\t\t\t\t \t\t\t\t\t\t\t\t\t <\/li>\n\t\t\t\t\t\t\t\t \t\t\t\t\t\t\t\t\t
  • \n\t\t\t\t\t\t\t\t\t\t \t\t\t\t\t\t\t\t\t\t\t <\/i>\n\t\t\t\t\t\t\t\t\t\t \t\t\t\t\t\t\t\t\t <\/li>\n\t\t\t\t\t\t\t\t \t\t\t\t\t\t\t\t\t
  • \n\t\t\t\t\t\t\t\t\t\t \t\t\t\t\t\t\t\t\t\t\t <\/i>\n\t\t\t\t\t\t\t\t\t\t \t\t\t\t\t\t\t\t\t <\/li>\n\t\t\t\t\t\t\t\t \t\t\t\t\t\t\t <\/ul>\n\t\t\t\t\t\t\t
    <\/div>\n\t\t\t\t\t\t\t \n\t\t\t\t\t\t <\/div>\n\t\t\t\t\t \t\t\t\t <\/div>\n\t\t\t\t \n\t\t\t\t
    \n\n\t\t\t\t\t \n\n\t\t\t\t <\/div> \n\t\t\t\t
    \n\n\t\t\t\t\t \n\n\t\t\t\t <\/div> \n\t\t\t\t
    \n\n\t\t\t\t\t \n\n\t\t\t\t <\/div> \n\t\t\t\t
    \n\n\t\t\t\t\t \n\n\t\t\t\t <\/div> \n\t\t\t\t
    \n\n