አዲስ ሚዲያ ኔትዎርክ

‎AMN – መስከረም 8/2018 ዓ.ም

‎የኢትዮጵያዊያን ፅናትና አሸናፊነት የተገለጠበት ታላቁ የህዳሴ ግድብ ኢትዮጵያ በቀጠናውና በአፍሪካ አህጉር ያላትን ሚና የሚያልቅ መሆኑን የውጭ ጉዳይ ሚኒስቴር አስታውቋል።

‎የውጭ ጉዳይ ሚኒስቴር ቃል አቀባይ አምባሳደር ነብያት ጌታቸው በሰሞነኛ ዲፕሎማሲያዊ ጉዳዮች ዙሪያ መግለጫ ሰጥተዋል

‎በአዲሱ ዓመት አጥቢያ በይፋ ተመርቆ ስራ የጀመረው ታላቁ የህዳሴ ግድብ፤ የዓለምን ትኩረት ስቦ የሰነበተ አጀንዳ መሆኑን የገለፁት ቃል አቀባዩ የበርካታ ዓለም አቀፍ የመገናኛ ብዙሀን አውታሮች የፊት ገፅ መነጋገሪያ ሆኗልም ብለዋል።

‎ኢትዮጵያን በተመለከተ ከዚህ ቀደም በአሉታ ዘገባ ሲያሰራጩ የነበሩ የመገናኛ ብዙሀን ሳይቀር የግድቡን አዎንታዊ አበርክቶ ሲያስተጋቡ ሰንብተዋልም ነው ያሉት አምባሳደር ነብያት።

‎የኢትዮጵያዊያን ኩራትና አንድነት ስበት የሆነው የህዳሴ ግድቡ የይቻላል መንፈስ ከቃል ተሻግሮ በተግባር የተገለጠበት ስለመሆኑም አንስተዋል።

‎የህዳሴ ግድቡ የኢትዮጵያን የህልውና ጥያቄ የመለሰ ለአፍሪካዊያንም ዳግም መነቃቃትን የፈጠረ ነው ያሉት አምባሳደር ነብያት፤ የኢትዮጵያን ቀጣናዊና አህጉራዊ ሚናን በእጅጉ የሚያልቅ መሆኑን አስታውቀዋል።

‎

‎በአቡ ቻሌ