AMN-መስከረም 20/2017 ዓ.ም
የኢትዮጵያ ብሔራዊ ቡድን የ2025 የአፍሪካ ዋንጫ የማጣርያ ከጊኒ ጋር የሚያደርጋቸው ሦስተኛ እና አራተኛ የምድብ ጨዋታዎች ላይ የቀን እና የቦታ ለውጥ ተደርጓል።
የኢትዮጵያ እና የጊኒ እግር ኳስ ፌዴሬሽኖች ለካፍ ባቀረቡት ጥያቄ መሰረት በጨዋታዎቹ ላይ የቦታ እና የቀን ሽግሽግ መደረጉ ተገልጿል፡፡
ሦስተኛው የምድብ ጨዋታ ጊኒ የሜዳዋ ጨዋታን ለማድረግ ያስመዘገበችው ያሞሱክሩ የሚገኘው ስታድ ኮናን ባኒ ወደ አቢጃኑ ስታድ ደ ኢቢምፔ ፤ የጨዋታው ቀን በአንድ ቀን ተራዝሞ ጥቅምት 2/2017 ከምሽቱ 1፡00 ላይ እንደሚከናወን የእግር ኳስ ፌዴሬሽን መረጃ ያሳያል፡፡
አራተኛ የምድብ ጨዋታ በተመሳሳይ ከጊኒ ጋር ጥቅምት 4 ሊደረግ የነበረው ጨዋታ በአንድ ቀን ተራዝሞ ወደ ጥቅምት 5/2017 የተሸጋሸገ ሲሆን አቢጃን የሚገኘው ስታድ ደ ኢቢምፔ ምሸት 4፡00 ላይ እንደሚያከናውን ተገልጿል።
