አዲስ ሚዲያ ኔትዎርክ

‎AMN ጥቅምት 19/2018 ዓ.ም

‎‎በአዲስ አበባ ከተማ በተሰሩ የኮሪድርና የወንዝ ዳርቻ ልማት ስራዎች ወጣቶችን ከሱስ እና ከአልባሌ ቦታ አውጥተን የልማት ተጠቃሚ እንዲሆኑ አድርገናል ሲሉ ‎ጠቅላይ ሚኒስትር ዐቢይ አሕመድ (ዶ/ር) ገለፁ።

‎6ኛው የሕዝብ ተወካዮች ምክር ቤት 5ኛ ዓመት የሥራ ዘመን 2ኛ መደበኛ ስብሰባ ጠቅላይ ሚኒስትር ዐቢይ አሕመድ(ዶ/ር) በተገኙበት ተካሂዷል፡፡

‎የኮሪደር ልማቱ የቤተሰብ ጊዜንና የጋራ መዝናኛን በማህበረሰቡ ዘንድ ማሳደጉን እና ባህል ማድረጉን ጠቅላይ ሚኒስትሩ ገልጸዋል።

‎የኮሪደርና የወንዝ ዳርቻ ልማቱ ወጣቶችን ከአልባሌ ስፍራና ቦታ ተሻምተን ወስደናቸዋል ያሉት ጠቅላይ ሚኒስትሩ ፣ ወጣቶችንና ማህበረሰቡን ከጫት ቤት፤ ከድራፍት ቤትና ከሌሎች ሱሶች አውጥተን ጊዚያቸውን በስፖርዊ እንቅስቃሴዎች እንዲያሳልፉ ማድረግ ችለናል ብለዋል።

‎ጠቅላይ ሚኒስትሩ በኮሪደር ልማቱ አማካኝነት ለወጣቶች የተፈጠሩ መዝናኛና ስፖርት ማዘውተሪያ ቦታዎች ለሀገሪቱ የወደፊት የስፖርት ስኬት አስተዋፅኦ እንዳለውም ገልጸዋል።

‎ኢትዮጵያውያን በብሔራዊ ቡድን መጫወት የሚችሉ ተጫዋቾች ከ10 ዓመት በኋላ እንደሚያፈሩ ም ነው ‎ጠቅላይ ሚኒስትር ዐቢይ አሕመድ (ዶ/ር) የተናገሩት ።

‎በሔለን ተስፋዬ