ከንቲባ አዳነች አቤቤ አዲስ የካፒታል ዕቃ ፋይናንስ በፍጥነት እና በጥራት መሃል ፒያሳ ላይ የገነባውን ባለ 11 ወለል ዘመናዊ ህንፃ መረቁ

You are currently viewing ከንቲባ አዳነች አቤቤ አዲስ የካፒታል ዕቃ ፋይናንስ በፍጥነት እና በጥራት መሃል ፒያሳ ላይ የገነባውን ባለ 11 ወለል ዘመናዊ ህንፃ መረቁ

AMN- ህዳር 20/2018 ዓ.ም

የአዲስ አበባ ከተማ ከንቲባ አዳነች አቤቤ አዲስ የካፒታል ዕቃ ፋይናንስ በፍጥነት እና በጥራት መሃል ፒያሳ ላይ የገነባውን ባለ 11 ወለል ዘመናዊ ህንፃ መርቀው ሥራ አስጀምረዋል፡፡

ከተማችን ጀምሮ የመጨረስ እና ቃልን በተግባር የመፈፀም ማሳያ በመሆኑ በየሳምንቱ አዳዲስ የነዋሪውን ተጠቃሚነት የሚረጋግጡ ውጤቶችን እያበሰረ ነው ሲሉ በማህበራዊ ትስስር ገፃቸው ላይ ባሰፈሩት መልዕክት ላይ አስታውቀዋል፡፡

አዲስ የካፒታል ዕቃ ፋይናንስ የከተማዋ ወጣቶችና ሴቶች የስራ እድል ተጠቃሚ እንዲሆኑ እያደረገ ያለ፤ በተኪ ምርት ፣ የውጭ ምንዛሪ ሊያስገኙ የሚችሉ ምርቶችን ማምረት ፣ እንዲሁም የቴክኖሎጂ ሽግግርን እያስፋፋ ያለ አማራጭ የፋይናንስ አገልግሎት ነውም ብለዋል።

ህንፃው ለባንክ፣ ለኢንሹራንስ እና ለቢሮ አገልግሎት ምቹ ሆኖ የተገነባ ሲሆን፤ የህፃናት ማቆያ፣ የአካል ማጎልበቻና ካፍቴሪዎችን ጨምሮ ለሰራተኞች ምቹ የስራ ከባቢ እንዲሆን ተደርጎ ተገንብቷል ።

ለውጤታማነቱ የለፋ የቦርድ አባላት፣ የማኔጅመንት አባላትና ሰራተኞች ፣ ኮንትራክተር እና አማካሪውን እንኳን ደስ ያለን ሲሉ መልዕክታቸውን አስተላፈዋል፡፡

0 Reviews ( 0 out of 0 )

Write a Review