20ኛው የብሔር ብሔረሰቦች እና ህዝቦች ቀን የማጠቃለያ ፕሮግራም የአዲስ አበባ ከንቲባ አዳነች አቤቤ በተገኙበት በአራዳ ፖርክ በድምቀት እየተከበረ ይገኛል።
ቀኑ በመዲናዋ በሁሉም ክፍለ ከተሞች እና በተለያዩ ተቋማት ኢትዮጵያን ህዝቦች ህብረብሄራዊነት እና አብሮነት በሚያሳይ መልኩ ሲከበር ቆይቷል፡፡
ዛሬ በአራዳ ፓርክ በአዲስ አበባ ደረጃ እየተካሄደ ባለው የማጠቃለያ ፕሮግራም ላይ የአዲስ አበባ ከንቲባ አዳነች አቤቤን ጨምሮ አፈ ጉባኤ አገኘሁ ተሸገር፣ የአዲስ አበባ ምክር ቤት አፈ ጉባኤ ቡዜና አልከድር ፣ የህዝብ ተወካዮች ምክር ቤት ምክትል አፈ ጉባኤ ሎሚ በዶ እና ሌሎችም ከፍተኛ የስራ ሀላፊዎች እና የተለያዩ ብሄር ብሄረሰቦች ተወካዮች በተገኙበት ኢትዮጵያዊ ህብር ብሄራዊነትን በሚያጎላ መልኩ በደማቅ ስነ- ስርአት እየተከበረ ይገኛል፡፡
በወርቅነህ አቢዮ
