AMN ህዳር 20/2018 ዓ .ም
የምግብ ዘይትን በመከዘን ሰዉ ሰራሽ የምርት እጥረት ለመፍጠር የሞከሩ ከ20 በላይ ተሳቢ ተሽከርካሪዎች ምርቶቻቸዉን ወደ ገበያ እንዲያሰራጩ መደረጉን የአዲስ አበባ ከተማ ንግድ ቢሮ አስታወቀ።
የአዲስ አበባ ከተማ ንግድ ቢሮ ሀላፊ ወይዘሮ ሀቢባ ሲራጅ እና ሌሎች የቢሮዉ ሀላፊዎች በመርካቶ ገበያ ተገኝተዉ የንግድ እንቅስቃሴ ምልከታ አድርገዋል፡፡
ሀላፊዋ የምግብ ዘይት እጥረት ችግር እንዳለ በማህበራዊ ሚዲያ የሚናፈሰዉ ወሬ ሀሰተኛ ነዉ ብለዋል፡፡
ምርትን በመከዘን ሰዉ ሰራሽ የምርት እጥረትን የሚፈጥሩ ነጋደዎች ላይ ቢሮዉ ተጨባጭ እርምጃን ይወስዳል ብለዋል፡፡
በዛሬዉ እለትም የምግብ ዘይትን በመከዘን ሰዉ ሰራሽ የምርት እጥረት ለመፍጠር የሞከሩ ከ20 በላይ ተሳቢዎች ምርቶቻቸዉ ወደ ገበያ እንድሰራጭ ተደርጓል ብለዋል፡፡
በቀጣይም ህገ ወጦችን የመቆጣጠር ስራዉ ተጠናክሮ ይቀጥላል ብለዋል፡፡
በተመስገን ይመር
