በታሪክ ውስጥ የኢትዮጵያ ሥልጣኔ የሚያድግበት እና ዝቅ የሚልበት ጊዜያት ከድምፅ እና ጩኸት ውድድር የሚመነጭ መሆኑን ጠቅላይ ሚኒስትር ዐቢይ አሕመድ (ዶ/ር) ገለፁ።
ድምፆች በብዙዎች ሲደመጡ ፣ ጎልተው ወጥተው ብዙ ተከታይ በማፍራት ጩኸትን መርታት ሲችሉ የዚያን ጊዜ ሥልጣኔና ዕድገት ይኖራል ብለዋል።
በአንፃሩ ጩኸቶች ሲበረቱ እና ድምፆች ሲደፈቁ ደግሞ ሥልጣኔ ይወድማል በማለት ገልፀዋል።
በሌላ በኩል ድምፆች እና ጩኸቶች ተካክለው መሳ ለመሳ ሲጓዙ ሥልጣኔ ያዝ ለቀቅ ወይም ባለበት ይረግጣል ።
ታዲያ ሥልጣኔ እና ዕድገትን ለማምጣት ድምፅፆች ከጩኸቶች በላይ ከፍ ብለው ሊጓዙ ይገባል።
ለዚህም ትርክት እና ሀሳብ ጎልተው፤ መሪ እና ተመሪ ሊስማሙ እንደሚገባ ጠቅላይ ሚኒስትር ዐብይ አሕመድ (ዶ/ር) አስገንዝበዋል።
በማሬ ቃጦ
