ዛሬ ያልተገነባ ድልድይ ወደ ነገ አያሻግርም ሲሉ ጠቅላይ ሚኒስተር 0ቢይ አሕመድ (ዶ/ር) ገለጹ
ጠቅላይ ሚኒስትር ዐቢይ አህመድ “በመደመር መንግሥት ዕይታ፣ የዘርፎች እመርታ!” በሚል መሪ ቃል ለብልፅግና ፓርቲ ከፍተኛ አመራሮች በተለያዩ ርዕሰ ጉዳዮች ዙሪያ ስልጠና ሰጥተዋል።
በማጠቃለያ መልእክታቸው የመደመር አዕማዶችን በዝርዝር ያስቀመጡ ሲሆን ጊዜው የሚዋጀውን የአመራር ጥበብ በመከተል የተጀመሩ ውጤቶችን ማስቀጠል እንደሚገባ አሳስበዋል።
መደመር በመገንባት እንጂ በማፍረስ አያምንም ያሉት ጠቅላይ ሚኒስትሩ በመገንባት በማመኑ በታሪክ ጉድኝት እና ትስስር ያለውን ስፍራ በግልፅ የሚያመላክት መሆኑን አንስተዋል ።
ማሰባሰብ :ማከማቸት እና ማካበት ለሃገራዊ ዕድገትና ብልፅግና ዋና ቀመር መሆናቸውን ያነሱት ጠቅላይ ሚኒስትሩ ሃሳብ፣ ሃብት እና ዓቅምን በማሰባሰብ ዕዳን በመቀነስ ለለውጥና ለብልፅግና የሚሆን ወረት ማጠራቀም ይገባል ብለዋል።
ነገር ግን ይህንን ለመተግበር ቀላል ባይሆንም ጠንክሮ መስራት ይጠበቃል ብለዋል።
ስለሆነም የፈጠራ፣ የፍጥነትና የዝላይ ስልቶች በመከተል የጊዜና የሃብት ውስንነቶችን እንዲሁም ከኋላቀርነት ለመላቀቅና አዙሪት ለመሻገር ትላንትን ከነገ የሚያገናኝ የተግባር ድልድይ መገንባት ይገባል ሲሉ ጠቅላይ ሚኒስትሩ ተናግረዋል።
በያለው ጌታነህ
