ታዳጊዎቹ ታሪክ ለመስራት ዩጋንዳን ይገጥማሉ

You are currently viewing ታዳጊዎቹ ታሪክ ለመስራት ዩጋንዳን ይገጥማሉ

AMN ኅዳር 21 ቀን 2018 ዓ.ም

በኢትዮጵያ አስተናጋጅነት እየተከናወነ የሚገኘው ከ17 ዓመት በታች የአፍሪካ ዋንጫ የሴካፋ ዞን ማጣሪያ ግማሽ ፍፃሜ ላይ ደርሷል።

ለፍፃሜ ለማለፍ የሚደረጉት ሁለቱ ተጠባቂ ጨዋታዎች ዛሬ በአበበ ቢቂላ ስታዲየም ይደረጋሉ።

ድንቅ ጉዞ ያደረጉት የኢትዮጵያ ብሔራዊ ቡድን ታዳጊዎች ምድብ አንድን በበላይነት አጠናቀው ነው ለግማሽ ፍፃሜ የበቁት።

ካደረጉት አራት የምድብ ጨዋታ ሦስቱን አሸንፈው አንዱን አቻ መለያየታቸው ይታወሳል።

ዩጋንዳ በበኩሏ ሦስት የምድቧን ጨዋታ ስታሸንፍ በአንዱ ተረታለች።

የዛሬ አሸናፊ ብሔራዊ ቡድን ለፍፃሜ ከመብቃቱም በላይ ለአፍሪካ ዋንጫ ማለፉን ያረጋግጣል።

የኢትዮጵያ ከ17 ዓመት በታች ብሔራዊ ቡድን ይህን ካሳካ ከ22 ዓመት በኋላ ወደ መድረኩ የሚመለስ ይሆናል።

የራሳቸውን ታሪክ ለማፃፍ የተዘጋጁት ታዳጊዎቹ ስፖርት አፍቃሪው ወደ ስታዲየም መጥቶ እንዲደግፋቸው ጥሪ አቅርበዋል።

ጨዋታው 9 ሰዓት ላይ እንደሚጀመር የወጣው መርሃግብር ያሳያል።

ከዚህ ጨዋታ ቀደም ብሎ 6 ሰዓት ላይ አራቱንም የምድቧን ጨዋታ ያሸነፈችው ታንዛኒያ ኬንያን ትገጥማለች።

በሸዋንግዛው ግርማ

0 Reviews ( 0 out of 0 )

Write a Review