አዲስ ሚዲያ ኔትዎርክ

AMN የካቲት 30/2018 ዓ.ም

ቁንድዶ ተራራ በኦሮሚያ ክልል ፤ በምሥራቅ ሐረርጌ ዞን ይገኛል፡፡ ተራራዉ በተፈጥሮ ውበቱና በታሪካዊ እሴቱ ይታወቃል። ቁንድዶ ተራራ ከባሕር ጠለል በላይ 3ሺህ 022 ሜትር ገደማ ከፍታ ያለዉ ሲሆን በግርጌውም ታሪካዊቷን የፊቅ ከተማን አቅፎ ይገኛል።

የዚህ ተራራ ልዩ መታወቂያው በላዩ ላይ የሚገኙት የዱር ፈረሶች ናቸው። እነዚህ ፈረሶች፦በአፍሪካ ብቸኛው የዱር ፈረሶች መንጋ እንደሚባሉ ይነገራል። በኢጣሊያ ወረራ ወቅት ወደ አካባቢው እንደመጡና ከዚያም በዚያው ተዋልደው እንደቀሩ የታሪክ ድርሳናት ይጠቁማሉ።

በአሁኑ ወቅት የዝርያቸውን ደኅንነት ለመጠበቅ የተለያዩ ጥረቶች እየተደረጉ ይገኛሉ፡፡ የተፈጥሮ ዋሻ በተራራው አቅራቢያ የሚገኝ ሲሆን፣ የውስጥ ለውስጥ ጥልቀቱና በውስጡ የያዛቸው የተለያዩ የድንጋይ ቅርጾች ለጎብኚዎች ልዩ መስህብ ናቸው።

የተራራው አናት ሰፊና ሜዳማ በመሆኑ ለግጦሽ ምቹ ነው። ተራራው ላይ ሆኖ የሚታየው የአካባቢው ገጽታ በጣም አስደናቂ ሲሆን፣ እስከ ሐረር ከተማና የኦሮሚያ ክልል ሰፊ ሜዳዎችን ለመመልከት እንደሚያስችል መረጃዎች ያሳያሉ፡፡ ይህ ተራራ ለተፈጥሮ አፍቃሪዎችና ተራራ ለሚወጡ ተመራጭ ቦታ ነው።

በወንድማገኝ አሰፋ