አዲስ ሚዲያ ኔትዎርክ

AMN መጋቢት 24/2018 ዓ.ም

ሀገራዊ ለውጡ በኢትዮጵያ ሁለንተናዊ መስኮች ያስገኛቸው ዋና ዋና ዉጤቶች

ለውጡ ከመጣ በኋላ በፖለቲካው ዘርፍ የታዩ ጉልህ ለውጦች፦

የምህረት አዋጅና የፖለቲካ እስረኞች መፈታት፡ በውጭ ሀገር በስደት የነበሩ የፖለቲካ ድርጅቶችና ታጣቂዎች ወደ ሀገር ውስጥ ገብተው በሰላማዊ መንገድ እንዲታገሉ ተደርጓል።

የተቋማት ግንባታ፡ የምርጫ ቦርድ፣ የሰብአዊ መብት ኮሚሽን እና የፍትህ አካላት ከፖለቲካ ተጽዕኖ ነፃ ሆነው እንዲደራጁ ጥረት ተደርጓል።

ሀገራዊ የምክክር ኮሚሽን፡ ለዘመናት የቆዩ መሠረታዊ የፖለቲካ ልዩነቶችን በውይይት ለመፍታት የሚያስችል ነፃ ኮሚሽን ተቋቁሞ ወደ ሥራ ገብቷል።

 የኢኮኖሚ ማሻሻያዎች

ሀገሪቱ የነበረባትን የዕዳ ጫና ለመቀነስና የግል ዘርፉን ለማበረታታት የተከናወኑ ተግባራት፦

የማክሮ ኢኮኖሚ ማሻሻያ፡ በቅርቡ የተተገበረው ሙሉ የውጭ ምንዛሬ ተመን ማሻሻያ፤ የውጭ ቀጥታ ኢንቨስትመንትን ለመሳብና የጥቁር ገበያን ለማጥፋት ያለመ ነው

የግል ዘርፍ ተሳትፎ፡ ቀደም ሲል በመንግሥት ብቻ ተይዘው የነበሩ ዘርፎች (ለምሳሌ የቴሌኮም ዘርፍ) ለግል ባለሀብቶች ክፍት ሆነዋል።

የዲጂታል ኢኮኖሚ ግንባታ፡ “ዲጂታል ኢትዮጵያ 2025” ስትራቴጂን በመቅረፅ የክፍያ ሥርዓቶችንና የመንግሥት አገልግሎቶችን ዲጂታላይዝ የማድረግ ስራ በስፋት ተከናውኗል።

 የምግብ ዋስትናና የግብርና ምርታማነት

በግብርናው ዘርፍ የታዩ ስኬቶች

የስንዴ ልማት ፦ ኢትዮጵያ ስንዴን ከውጭ ከማስገባት ባለፈ ለውጭ ገበያ ማቅረብ የጀመረችበት የበጋ መስኖ ስንዴ ልማት ትልቅ ስኬት ነው።

የሌማት ቱሩፋት፦ በየቤተሰብ ደረጃ የዶሮ፣ የቀንድ ከብትና የንብ ማር ምርትን በማሳደግ የምግብ ዋስትናን ለማረጋገጥ የተከናወነ ንቅናቄ ነው።

 የታላቁ የኢትዮጵያ ሕዳሴ ግድብ ግንባታ

ለውጡ ግድቡ ከነበረበት ሁኔታ ወጥቶ እንዲጠናቀቅና ኃይል ማመንጨት እንዲጀምር አድርጓል።

ይህ ለሀገሪቱ የኢንዱስትሪ ዕድገትና ለኃይል ሽያጭ ትልቅ ሚና አለው።

 የአረንጓዴ አሻራና የቱሪዝም ልማት

የአረንጓዴ አሻራ መርሃ ግብር፡ በቢሊዮን የሚቆጠሩ ችግኞችን በመትከል የአየር ንብረት ለውጥን ለመከላከል የተከናወነው ሥራ በዓለም አቀፍ ደረጃ ዕውቅና አስገኝቷል።

የቱሪዝም መዳረሻዎች፡ በታሪካዊና ተፈጥሯዊ ስፍራዎች (እንደ አንድነት ፓርክ፣ ወንጪ፣ ጎርጎራ እና ኮይሻ) የተገነቡ ፕሮጀክቶች የሀገሪቱን የቱሪዝም ገቢ አሳድገዋል።

 የዲፕሎማሲ ስኬቶች

የብሪክስ (BRICS) አባልነት፡ ኢትዮጵያ የዓለም ግዙፍ የኢኮኖሚ ስብስብ የሆነው የብሪክስ አባል መሆኗ በዓለም አቀፍ መድረክ ያላትን ተሰሚነት ይጨምራል።

የሰላም ስምምነት፡ በትግራይ ክልል የነበረውን ጦርነት በፕሪቶሪያው የሰላም ስምምነት በሰላማዊ መንገድ ለመፍታት መቻሉ ለሀገራዊ መረጋጋት ትልቅ ፋይዳ አለው።

በሚካኤል ህሩይ