ኣዲስ ሚዲያ ኔትዎርክ

AMN PLUS-ትግርኛ 19 ጥሪ 2018 ዓ/ም

መመሓየሺ ማክሮ ኢኮኖሚ ባንኪ ንግዲ ኢትዮጵያ ኣብ ዓውዲ ፋይናንስ ዘለዎ እጃም መሪሕነት ንክዋፃእ ከምዘኽኣለ ሚኒስትር ገንዘብ ኣሕመድ ሽዴ ገሊፆም።

ባንኪ ንግዲ ኢትዮጵያ “ናቶም ዕግበት ዓወት ባንክና” ኣብ ትሕቲ ዝብል መሪሕ ሓሳብ መርሃ ግብሪ ምጅማር ቅነ ኣገልግሎት ዓማዊል የካይድ ኣሎ።

ሚኒስትር ገንዘብ ኣሕመድ ሽዴ ኣብዚ እዋን ከምዝበልዎ፤ እቲ መመሓየሺ ማክሮ ኢኮኖሚ ጠንካራ ዕቤት እናረጋገፀ ኣብ ጉዕዞ ዓወት እዩ ዝርከብ።

እዚ ድማ ዓውዲ ፋይናንስ ትርጉም ዘለዎ ለውጢ ንከምፅእ ከምዘኽኣለ ተዛሪቦም።

ኣብዚ ድማ ባንኪ ንግዲ ኢትዮጵያ ብዝለዓለ ዓወት እናተጉዓዘ እዩ ኢሎም።

እቲ መመሓየሺ ማክሮ ኢኮኖሚ መሪሕ ዓውዲ ፋይናንስ ኢትዮጵያ ዝኾነ ባንኪ ንግዲ ኢትዮጵያ ኣብቲ ዓውዲ ዘለዎ እጃም መሪሕነት ንክዋፃእ ከምዘኽኣለ ኣረዲኦም።

እቲ ባንኪ ኣብዚ ሕዚ እዋን ንልዕሊ 45 ሚልዮን ዓማዊሉ ኣገልግሎት እናሃበ ከምዝርከብ ብምግላፅ፤ ድሌት ዓማዊል ብምፅናዕ እውን ሓደሽቲ ኣገልግሎታት ናብ ስራሕ እናእተወ ከምዝኾነ ሓቢሮም።

እቲ ቅነ ዓማዊል እውን ንዓማዊልን ዓማዊል ንዘገልግሉ ሰራሕተኛታትን ዘለና ክብሪ እንገልፀሉ እዩ ኢሎም።

ተወካሊ ፕሬዚዳንት ባንኪ ንግዲ ኢትዮጵያ ኤፍሬም መኩሪያ ብግደኦም፤ ዋና ኣንፈት ስትራቴጂ እቲ ባንኪ ዕግበት ዓማዊል ከምዝኾነ ገሊፆም።

እቲ ባንኪ ዘውፅኦም ኣሰራርሓታትን ዝውስኖም ውሳነታን ንዓሚል ማእኸል ዝገበሩ ከምዝኾኑ እውን ኣብራህሪሆም።