ኣዲስ ሚዲያ ኔትዎርክ

AMN PLUS-ትግርኛ 11 ለካቲት 2018 ዓ/ም

ንወረዳታት ሰዲ ጫንቃን ሃዋ ገላንን ትርጉም ዘለዎ ለውጢ እናምፀአ ዝርከብ ፕሮጀክት መሰረተ ልምዓት መስኖ ቄጦ ንምዕዛብ ዕድል ረኺበ ክብሉ ቀዳማይ ሚኒስትር ኣቢይ ኣሕመድ (ዶ/ር) ገሊፆም።

እቶም ቀዳማይ ሚኒስተር እቲ ፕሮጀክት ንስራሕቲ ሕርሻ ዘይቋረፅ ቀረብ ሃፍቲ ማይ ብዘረጋግፅ መልክዑ ተፈጥሮኣዊ መልክኣ-ምድር እቲ ከባቢ ብግቡእ ንምጥቃም ተሓሲቡ ዝተተግበረ ኢዩ ክብሉ ኣረዲኦም።

እቲ ስራሕቲ መስኖ ብቐጥታ ኣብ ረብሓ ብምውዓል ዝተሓረሰን ዝለምዐን መሬት ንሕብረተሰብ ዕዙዝ ረብሓ ከምፅእ ምጅማሩ እውን ዝበረታታዕ ኢዩ ኢሎም።

ሓቢሩ ዝተሰርሐ መሰረተ ልምዓት መገዲ እውን ተበፃሕነት ዕዳጋ ኣስፊሑ ኢዩ፣ መዓልታዊ ምንቅስቓስ ነበርቲ እውን ኣቕሊሉ ኢዩ።

እቲ ከባቢ ሰፊሕ ሕርሻን ዓሚቕን ዓቕሚን ዘለዎ ስለዝኾነ ከም ስርናይ፣ ባናና፣ ሩዝ፣ ፓፓያን ኣራንሺን ዝበሉ ፍርያታት ኣብ ምድጋፍ ስራሕቲ መሰረተ ልምዓት መስኖን ዘላቒ ልምዓት ሕርሻ ገፀርን ከዕብዩ ከምዝኽእሉ ኣብነት ኢዩ ክብሉ ኣብ መልእኽቶም ሓቢሮም።