Ayyaana Daamaraa Masqalaa boru Finfinnee Addabaaba’ii Masqalaatti boru kabajamuuf Waaree dura sa’aatii 4:00 irraa eegalee daandiiwwan sochii tiraafikaaf cufaa ta’an ifoomuu Poolisiin magaalaa Finfinnee ibse.
Haaluma kanaan:-
Daandiin Addabaabayii Uraa’eelii gara Adabbaabayii Masqalaatti geessu Addabaabayii Uraa’eeliitti,
Daandiin Kallattii Booleen gara Addabaabayii Masqalaa geessu Addabaabayii Oloompiyaatti,
Daandiin Masqal Filaaweerii gara Olompiyaa geessu Addabaabayii Gaazeebootti,
Daandiin Siinimaa Agonaa gara Addabaabayii Masqalaatti geessu Addabaabayii Xilaahunitti,
Ibsaa Laga Harree irraa gara Addabaabayii Masqalaatti kan geessu ibsaa Laga Harreetti,
Qaxxaamura Teleerraa gara Istaadiyeemii kan geessu Qaxxaamura Teeleetti,
Hoteela Raas irraa gara Istaadiyeemii kan geessu Hoteela Raasitti,
Ibsaa Harraambee yookaa Siinimaa Ambaasaaddariin gara Addabaabayii Masqalaatti kan geessu, Ibsaa Harraambeetti,
Masaraa Biyyaalessaarraan gara Addabaabayii Masqalaatti kan geessu Masaraa Biyyaaleessaatti,
Sheelii Qarsaarraan gara Baambiis kan geessu, Sheelii Qarsaa cinaatti,
Hoteela Juppiitariin gara “ECA” kan geessu Gamoo Saalkootiitti kan cufamu ta’uu ibsameera.
Hanga sagantichi xumuramutti tajaajilamtoonni filannoo birootti fayyadamuu akka qabanis poolisiin beeksisuu isaa odeeffannoo Ajajni Waliigalaa Poolisii Magaalaa Finfinnee AMN’f erge ni mul’isa.
