Yaa’iin Jijjiirama Qilleensaa Afrikaa 2ffaan har’aa eegalee guyyaa sadiif Finfinneetti adeemsifama.
Yaa’ichi ” furmaata si’ataa Jijjiirama qilleensaa Idil addunyaaf, diinagdee magariisaa Afrikaa faayinaansiin deggeruu” mata duree jedhuun adeemsifama.
Ajandaa yaa’ichaa dursee guyyoota muraasa darban keessatti mariiwwan dursaa kan adeemsifaman yoo ta’u yaadotni tarsiimoo itti aanuuf galteewwan ta’an akka argaman ibsameera.
Itoophiyaan rakkoo jijjiirama qilleensaa qolachuuf bu’aa fooyya’aa argamsiisuuf ejjennoo qabdu irratti hojiiwwan hojjette yaa’icha irratti ni ibsiti jedhamee eegama.
Yaa’icha irratti sadarkaa ardiitti furmaatni imaammata jijjiirama qilleensaa irratti fuuleffate akka argamu mariin ni adeemsifama jedhameera.
Afrikaanotni jijjiirama qilleensaa qolachuuf yeroon cimanii hojjatan amma akka ta’e yoo ibsamu ”Murtoolee fi waliigalteen Finfinnee” yaa’ichaan akka mirkanaa’u ni eegama.
Afrikaan bulchiinsa jijjiirama qilleensaatiin iddoo isheef malu qabachuuf yaalii gootu murtoon deggeru akka darbu illee ni eegama.
Yaa’icha irratti hooggantoota biyyootaa dabalatee namootni kuma 25 ol ni hirmaatu.
