Pireezidaantiin Ameerikaa Doonaald Tiraamp namoonni daandiirra jiraatan hatattamaan’ Waashingitan DC keessaa bahuu akka qaban himan.
Tiraamp yakka magaalichatti hojjetamu xiqqeessuuf murtoo kana dabarsuu ibsaniiru.
Warra mana hin qabne hatattamaan bahaniif bakki turtii akka kennamu ibsuun kanneen didan garuu akka hidhan akeekkachiisaniiru.
Karoorri pirezidaantichaa ifatti beekamuu baatus bara 2022 yeroo dubbii taasisan namoota mana hin qabne ”gara dahoo qulqullina qabuu fi lafa qaalii hin taaneetti geessina” jedhanii akka turan ni yaadatama.
Kantiibaan magaala Waashingitan DC bara 2023 keessa yakki akka malee dabalee ture ibsuun bara kana garuu jijjiiramni akka jiru himaniiru.
Magaalaa Waashingitan DC jiraattota Kuma 700 ol qabdu keessaa namoonni Kuma Sadiifi 700 caalan warra mana hin qabneefi dahoo keessa jiraatan ta’uus beekameera.
Maddi : BBC
Daraartuu Tarreessaatiin
