Dargaggoota sababa hojii barbaachaaf karaa seeraan alaa daangaa qaxxaamuruun gara biyyoota birootti godaanan irratti gaaga’ama lubbuufi mancaatii qabeenyaaf saaxilamaa akka jiran Biiroon Dhimma Hojjataafi Hawaasummaa Oromiyaa beeksisee.
Hoogganaan Biirichaa Obbo Araarsoo Biqilaa godaansi seeraan alaa gaaga’ama lubbuu, miidhaa qaamaafi mancaatii qabeenyaa qaqqabsiisuun nama dhuunfaa bira darbee biyya kan miidhu akka ta’e ibsanii jiru.
Dargaggeessi jijjiirama biyyaa dhugoomsuu keessatti bakka olaanaa qabuufi abdii egeree biyyaa ta’e, faddaaltotaan gowwoomfamuun godaansa seeraan alaatiif saaxilamuu irraa of qusachuu akka qabu obbo Araarsoon himaniiru.
Mootummaan rakkoo godaansa seeraan alaatiin mudachaa jiru maqsuuf hojjachaa jiraachuu ibsuun, godinaalee Saddeet (
rakkoo kanaaf saaxilaman qorannoon adda ba’an irratti xiyyeeffannoo guddaan kennamee akka hojjatamaa jirachuu Odeeffannoon Biiroon Kominikeeshinii Oromiyaa AMN Digital’f erge ni mul’isa.
Obbo Araaraoon dargaggootni aadaa hojii tuffachuu keessaa bahanii carraa biyya keessa jirutti fayyadamuun dinagdeen of ijaaruun maatiifi biyya isaaniif wabii ta’uu akka qaban dhaamaniiru.
Gama biraatiin, lammiileen karaa seera qabeessa ta’een biyya alaa deemanii hojjachuu kan danda’aniifi kanaaf immoo leenjii hojiin duraa fudhachuun barbaachisaa akka ta’e ibsaniiru.
