Dubartoota gara sadarkaa hooggansa olaanootti fiduun muuxannoo gaarii babal’achuu qabudha jedhan, Dhaabbata Mootummoota Gamtoomaniitti Itti Gaafatamtuun Damee Hooggansa Siyaasaafi Hirmaannaa Dubartootaa Aadde Dasseet Abbabaa.
Itti Gaafatamtuun kun qorannoo sadarkaa addunyaatti taasifameen Itiyoophiyaan dubartoota sadarkaa hooggansa olaanootti fiduu irratti muuxannoo gaarii qabdi jedhan.
Hirmaannaa siyaasaa dubartootaa daran guddisuuf dhaabbanni isaanii ijaarsa dandeettii irratti hojjechaa jiraachuu isaa itti dabaluun ibsanii jiru.
Aadde Dasseet, Itoophiyaan filannoo biyyoolessaa bara dhufu gaggeessuuf jirturratti hirmaannaa siyaasaa dubartootaa dabaluu hojiiwwan dandeessisan hojjechaa akka jiran ibsaniiru.
Hirmaannaa siyaasaa dubartootaa daran guddisuuf dhaabbanni isaanii ijaarsa dandeettii irratti hojjechaa jiraachuu isaa itti dabaluun ibsanii jiru.
Aadde Dasseet, Itoophiyaan filannoo biyyoolessaa bara dhufu gaggeessuuf jirturratti hirmaannaa siyaasaa dubartootaa dabaluu hojiiwwan dandeessisan hojjechaa akka jiran ibsaniiru.
Fayyadamummaafi hirmaannaa dubartoonni gama hawaasummaa, diinagdee fi siyaasaa keessatti qabaniif barnoonni murteessaa tahuu isaa Deetaan Ministiraa Ministeera Barnootaa Ayyelach Ishatee ibsanii jiru.
Yeroo jijjiiramaa kana keessatti dubartoonni barnoota sadarkaa duraa, sadarkaa 1ffaafi sadarkaa 2ffaa akka argataniif hojiin hojjetame bu’aa argamsiiseeras jedhaniiru.
Haa ta’u malee, dhaabbilee barnoota olaanoo keessatti hirmaannaa dubartootaa caalaatti guddisuuf ammallee hojiin hojjetamuu akka qabu hubachiisaniiru.
Dubartoota gara fuulduraatti fiduun rakkoo kana furuu akka dandeessisu Deetaan Ministira Ministeera Aadaa fi Ispoortii Nafiisaa Almadim ibsaniiru.
Pireezidaantiin Waldaa Dubartoota Daldalatoota Itiyoophiyaa Aadde Barakat Warquu gama isaaniitiin, fayyadamummaa dubartootaa mirkaneessuuf, dubartoota hojii daldalaatti seenaniif kallattii agarsiisuun akka barbaachisu dubbatanii jiru.
Caasaa mootummaa cimaa ijaaruuf dhaloota namuusa qabu bakka buusuuf gaheen dubartootaa olaanaa ta’uu qabas jedhameera.
