Magaalaa Shaggar Kutaa Magaalaa Gafarsaa Gujeetti keessummoota Irreecha irratti hirmaachuuf dhufaniif simannaan taasifamaa jira.
Kutaan Magaalaa Gafarsaa Gujee seensa Shanan Finfinnee keessaa tokko yoo ta’u keessummoonni Lixa Oromiyaatii dhufan karra itttiin Finfinnee galaniidha.
Keessattuu Godinaalee Afran Wallaggaa, Shawaa Lixaafi kannen Matakkal irraa karra kanaan Finfinnee seenaa jiru.
Bulchituun Kutaa Magaalaa Gafarsaa Gujee Aadde Boontuu Waqgaarii keessummoota kanneen yammuu dhufan qofa osoo hin taane yeroo deebi’anis simachuun kan keessummeeffaman ta’uu himaniiru.
Irreecha Hora Finfinneefi Hora Harsadeerratti hirmaachuuf namootni lakkoofsan hedduu ta’an Magaalaa Finfinnee seenaa jiru.
Guddataa Ajjamaatu gabaase
