Hidhi Haaromsaa Guddicha Itoophiyaa imala Itoophiyaan gara badhaadhinaatti taasiftu ni ariifachiisa jechuun Ministirri Qonnaa Obbo Addisuu Araggaa ibsan.
Hidhi haaromsaa guddichi gamtaan kan itti dhugoome lammileen Itoophiyaa ibsituu bara ol-ka’uu isaanii kan ittiin dhugoomsanii fi wal-danda’an akka ta’e ibsan.
Itoophiyaanonni rakkoowwan waliin dhaabbatanii qormaata jiru darbuun hojiiwwan jalqaban xumuruu akka danda’an hidha itti mirkaneessan akka ta’e dubbataniiru.
Xumuramuun hidhichaa Itoophiyaaf faayidaa hedduu akka qabu kaasanii akka biyyaatti humna maddisiisuuf dandeettii jiru akka guddisu ibsaniiru
Waliin gahiinsa elekitiriikaa guddisuun guddina diinagdee biyyaatiif baballina indastirii fi ce’umsa qonnaaf furtuu jabaa akka ta’ellee ibsanii jiru.
Hidhichi oomisha qurxummiif faayidaa akka qabu, Ministirichi himaniiru.
Oomishi qurxummii dargaggootaaf carraa hojii irra darbee indastiriif haala akka mijeessu ibsuu isaanii TOI gabaaseera.
