Itoophiyaan dhiibbaa jijjiirama qilleensaa qolachuuf misooma annisaa haaromfamaa babal’isuu irratti akka argamtu Deetaan ministira bishaanii fi inarjii Inj Sulxan Walii (PhD) ibsaniiru.
Ministeerichi Yaa’ii Jijjirama Qilleensaa Afriikaa dursuun agarsiisa gaggeessaa jira.
Agarsiisni kun adeemsa ce’umsa inarjii Itoophiyaaf akkasumas Afriikaaf dhiibbaa kaarbonii hir’isuun annisaa haaromfamaa ijaaruuf hojiiwwan hojjetamaa jiran agarsiisuurratti kan fuuleffatedha jedhameera.
Deetaan Ministira Bishaanii fi Inarjii Injinar Sulxaan Walii (PhD) saaqiinsa agarsiisichaa irratti Itoophiyaan dhiibbaa jijjiiramni qilleensaa fidu qolachuu fi hir’isuuf sagantaa adda addaa baasuun hojiitti jijjiiraa jiraachuus ibsaniiru.
Akka fakkeenyaattis tarsiimoo diinagdee magariisaa dhiibbaa jijjiirama qilleensaaf hin jilbeenfanne wixineessuun sagantaa ashaaraa magariisaa hojii irra oolchaa jiraachuun ishee agarsiiftuudha jedhan.
Kunis Itoophiyaan dhiibbaa jjiiramni qilleensaa fidu hir’isuufi qolachuuf xiyyeeffannaa kennuu ishee akka mirkaneessu himuun kunis jabaatee kan itti fufi tahuu ibsaniiru.
