Itoophiyaan jijjiirama qilleensaa furuuf ashaaraa magariisaa, itti fayyadama anniisaa haaromfamuu fi magaalota ammayyeessuutiin tarkaanfii qabatamaa akka fudhatte Pireezidaanti Taayyee Atsiqasillaasee ibsanii jiru.
Torban Jijjiirama Qilleensaa Addunyaa Dhaabbata Mootummoota Gamtoomaniin qophaa’e yeroo ammaa magaalaa Finfinnee keessatti adeemsifamaa jira.
Sirna baniinsaa yaa’ii kana irratti Pireezidaantii Taayyee Atsiqasillaasee, Dura Taa’aan Komishinii Gamtaa Afrikaa Mahmuud Alii Yuusuf fi qondaaltonni olaanoo biyyootaa fi dhaabbilee idil-addunyaa garaa garaa argamaniiru.
Itoophiyaan biqiltuu Biiliyoonaan lakkaa’amu dhaabuu fi dacheen magariisa akka uffattu taasisuun jijjiirama qilleensaaf deebii kennuu ishee Pireezidaanti Taayyeen ibsanii jiru.
Torban Jijjiirama Qilleensaa “Mariiwwa gara Gochaa fi Bu’aatti Jijjiiruu” mata-duree jedhuun, yaada jijjiirama qilleensaa gara tarkaanfii bu’aa qabatamaatti jijjiiruu irratti xiyyeeffachuun adeemsifamaa jira.
Shuumii Badhaasootiin
