Itoophiyaan barattoota beekumsaafi dandeettiin gahoomaniifi guddina teekinooloojii ammayyaatti madaqan horachuuf cichoominaan hojjechaa jirti jedhan Ministeera Barnootaatti Itti gaafatamaan tajaajila dhaabbilee Barnootaa dhuunfaa Dr. Iyyoob Ayyanewu.
Koollejjiin Akmoonliink barattoota sagantaa barnootaa garaagaraa muummee adda addaan barsiisaa ture 238 marsaa 5ffaaf ebbisiiseera.
Hundeessaafi Pirezidaantiin koollejjichaa Dr. Tashaalee Geetuu, koollejjiin Akmoonliink hojii baruufi barsiisuu kennuun cinaatti qorannoofi qo’annoo rakkoo hawaasaa furuu danda’an ogeessota gahumsa qabaniin gaggeessaa jira jedhan.
Leenjii gaggabaabaa tajaajila mootummaa fooyyessaan manneen hojii mootummaaf bilisaan kennaa kan jiru ta’uus himaniiru.
Koollejjichi hojiilee tajaajila tolaa garaagaraa keessattis hirmaachaa kan jiru ta’uu Dr. Tashaaleen dubbataniiru.
Mnisteera Barnootatti Itti gaafatamaan Tajaajila Dhaabbilee Barnoota Dhuunfaa Dr. Iyyoob Ayyanewu, dhimmi barnootaa dhuma hin qabu jechuun, barattonni har’a eebbifamtan beekumsaafi dandeettii horattaniin uummata keessan amanamummaan taajaajiluu qabdu jechuun ergaas dhaamaniiru.
Barattoonni har’a eebbifamanis beekumsaafi dandeetti horataniin uummata isaanii kan tajaajilan ta’uu himaniiru.
Koollejjiin Akmoonliink Waggoottan 7 darbaniif qajeelfamaafi sirna barnootaa biyyattii hordofuun barattoota ogummaa adda addaa qaban barsiisuun biyyaaf gumaachuus himameera.
Sisaay Dirribaatu Gabaase.
