Manni maree bakka bu’oota ummataa yaa’ii ariifachiisaa lammaffaa har’a taa’een labsii filannoo, galmee paartilee siyaasaa fi naamusa filannoo Itoophiyaa fooyyessi taasifameef raggaasiseera.
Labsiin kun keewwata 26 akka qabu kan ibsame yoo ta’u, hirmaannaa siyaasa dubartootaa fi qaama miidhamtootaa guddisuu akka dandeessisu beekameera.
Mana maree bakka bu’oota ummataatti walitti qabaan koree Dhaabbata Dhimmoota Dimookiraasii Obbo Iwunatee Allenee, gabaasaa fi yaada murtee fooyyessa labsiichaa dhiheessaniiru.
Labsichi filannoo biyyaalessaa marsaa 7ffaa karaa hirmaachisaa, dimookiraatawaa fi ifaa ta’een adeemsifamuu akka gargaarutti fooyya’uusaa kaasaniiru.
Keewwata fooyyeffaman keessaa hirmaannaa filannoo dubartootaa fi qaama miidhamtootaa, akkaataa komiin itti dhihaatuu fi fayyadamni teeknooloojii keessatti akka argamu eerameera.
Labsiin fooyya’e dirree siyaasaa bal’isuun dhimma filannoo hoogganuuf haala mijataa akka uumu walitti qabaan koree dhaabbatichaa eeraniiru.
Adeemsa filannoo walxaxaa ta’e teeknooloojiin deeggaruun filannoo ifaa fi kan baasii qusatu adeemsisuu akka to dandeessisu kaasaniiru.
Labsiin kunis erga gaaffii fi yaadni irratti ka’e mari’atamee booda sagalee irra caalaan ragga’eera
