Af-yaa’ii Mana Maree Bulchiinsa Magaalaa Finfinnee Aadde Buzeenaa Al-Kadir, miseensonni mana maree, ummataa fi mootummaa gidduutti riqicha ta’uun wal hubannoo uumuu keessatti gahee olaanaa akka bahataa jiran ibsan.
Manni Maree bulchiinsa magaalichaa Akkaadaamii Gahumsa Hooggansaa Afrikaatti, hooggansaafi miseensota isaa leenjisuu eegaleera.
Aadde Buzeenaan, manni marichaa gama hojii, humna namaa fi teeknooloojiitiin of gurmeessuun fayyadamummaa ummataa mirkaneessuuf ciminaan hojjechaa akka jiru ibsuun bara baajataa darbe keessatti jijjiiramni qabatamaa akka galmaa’e ibsaniiru.
Dabalataanis bu’aa argame tursiisuuf miseensonni mana maree gahumsa guutuu fi ergama isaanii milkaa’inaan ba’achuuf leenjiin ijaarsa dandeettii barbaachisaa akka ta’e dubbataniiru.
Leenjichi mul’ata biyyaa fi Finfinnee galmaan ga’uufi rakkoolee mudatan furuuf kan gargaaru ta’uu ibsanii jiru.
Raahel Abbabaatiin
