Taphni Liiverpuul dirree isaa Anfiild Rooditti Arsenaal keessummeessu haalan eggama.
Piriimer Liigii Inglaand torbee 3ffaa guyyaa kalessaa taphotaa hawwatoo ta’an nutti agarsiisee kan olee yoo ta’u gareen Ruuben Amooriimiin durfamuu Maanchester Yuunaayitid injifannoo isaa jalqabaa Barniley goolii 3:2n injifachuun leenjisichi haara akka galfataanif sababaa ta’eera.
Guyyaa har’aas itti fufuun taphoonni hedduun Kan adeemsifaman yoo ta’u taphni cimaan torbee kanaa Liiverpuul fi Arsenal gidduutti gaggeeffamu qalbii jaalattoota kubbaa miilaa addunyaa irra jiru harkiseera.
Kilaboonni lamaaniyyuu torbeewwan lamaan darban injifannoon kan goolaban yoo ta’u tapha 3ffa irratti milkaa’uuf ijibbaata falmatu.
Gareen Arnee Slootiin durfamu Liiverpuul dirree isaa irrattii taphachuu hordofee dirqama injifannoofi qabxii murtessaa akka ta’e ni amana.
Aleksaander Isaak hanga amma gara kilabichaatti fiduun kan itti ulfaate kilabichi bakka isaa Hugo Eketikeen haalaan gahumsa isaattii fayyadamuun kilabichaaf tajajilaa kennaa jira.
Miidhamnii Bukaayoo Saakaa Mikeel Arteettaaf mata dhukkubbii kan itti ta’ee yoo ta’u tapha Liiverpuul qofa osoo hin taane Maanchester Siitii fi Niwukaastil waliin kan taphatan irrattis hin argamu.
Kilabaota kamiyyuu caalaa jijjiirraa taphattootaa irratti hirmachaa kan jiru Arsenaal taphattoota 8 kilaboota gargaraa irraa mallattessifachuu danda’eera.
Ademoola Lookman Atalaanta irraa mallatteessisuuf yaaliirra kan jiru kilabichi kan milkaa’u taanaan jijjirraa 9ffaa ganna tokkotti taasise ta’a.
Liids Yuunayitid dirree isaa irrattii goolii 5:0n injifachuun xinsammuu gariirra kan jiru gareen Mikeel Arteettaa yeroo kamiyyuu caalaa Arnee Slootif qormaata guddaa ni ta’a jedhamee amanama.
Bara dorgommii 3 walitti aansuun 2ffaan kan xumuran The Gunners bara kana garuu lakkofsa kanatti akka hin deebine Mikel Arteettaan waadaa seenaa jiru.
Eberiche Eze fi Noni Madiwukeen tapha kana irratti akka hirmaatan kan dhagahame yoo ta’u sararri ittisaa Liiverpuul gaaffii keessa galuu hordofee Ezen mata dhukkubbi guddaa Liiverpuul akka ta’u ni eegama.
Morkiin sarara walakkaa dhuunfachuu kilaboota lamaan gidduutti adeemsifamus haalan ni eggama.
Gama Arsenaaliin Maartin Zubamendii fi Maartin Odeegaard akkasumas Deklaan Raayis yoo ta’an gama Liiverpuuliin ammio Filorin Wirtiz akkasumas Dominik Sobozlaayi fi Aleeksis Maakaalisteriin hogganama.
Morkiin Arba Lameenii galgala sa’aatii 12:30 yeroo jedhu kan eegaluu ni ta’a.
Rabbirraa Hirphaatiin
