Pirezidaantiin Ameriikaa Doonaald Traampi Yuukireenitti waliigaltee dhukaasa dhaabuuf akkaataa danda’amu irratti Prezidaantii Raashiyaa Viladmiir Puutiin waliin Alaaskaatti marii eegaluuf akka jedhan ibsaniiru.
Hooggantoonni lamaanuu qaamaan wal-arganii mari’achuuf bellamaa turus garuu guyyaan keewwameen otuu hin milkaa’in hafaa ture.
Odeeffannoon bahaa jiran akka agarsiisanitti Yuukireen marichaan waliigaltee irra gahuu qabdu Tiraamp dursanii itti himaniiru.
Kanaanis biyyooti lamaanuu kutaalee bulchiinsaa tokko tokko akka wal-geeddaruu qaban yaada waliigaltichaa keessatti hammachiisuu akka qabanidha.
Waliigaltee biyyoota lamaanii irratti akka argamtuuf Awurooppaan hin afeeramne. Keev beellamicha ilaalchisee ammayyuu yaadi laatte hin jiru.
Vilaadmiir Puutin bara 2019 booda Tiraamp waliin yaroo jalqabaaf marii fuulaa fuulaaf gara Ameriikaa dhaquuf akka jiran Kireemiliin mirkaneesseera.
Mooskoonis waliigalaan waraana 2022 irraa eegaluun gaggeessite jijjiirama murteessaa fiduu baattus garuu kutaalee Yuukireen dhibbantaa 20 qabatteetti.
Yuukireenis humnoota Raashiyaa gara boodaatti deebisuu hin dandenye.
Wandimmaagany Asaffaatiin
