Uwwisni humna ibsaa Itoophiyaa dhibbantaa 54 akka gahe Deetaan Ministiraa Bishaanii fi Inarjii Injinar Sulxaan Walii (Dr.) beeksisan.
Ministirichi sagantaan uwwisa humna ibsaa biyyoolessaa wixinamee hojjatamaa akka jiru beeksisan.
Lammiileen humna ibsaa hin arganne filannoowwan anniisaa adda addaatti akka fayyadaman tattaaffiin taasifamaa akka jiru ibsaniiru.
Ministirichi waliin gahinsa humna ibsaa mirkaneessuuf hojjatamaa jira jedhan.
Teeknooloojiin humna aduu sadarkaa idil-addunyaatti saffisaan guddachaa jiru, dhiyeessii humna elektiriikaa akka biyyaatti gatii madaalawaadhaan waatii 240 irraa gara waatii 600 ol akka ol guddisus beeksisaniiru.
Daayirektarri Olaanaa Waldaa Misooma Annisaa Aduu Missiraaach Siisaay; mootummaan fayyadamummaa hawaasummaa fi dinagdee hawaasa baadiyyaa guddisuuf fayyadamummaa humna ibsaa fooyyessuuf fudhate dhaabbilee dhuunfaa jajjabeessaa ta’uu ibsaniiru.
Dhaabbileen dhuunfaa miseensota waldichaa 100 ta’an filannoowwan teeknooloojii anniisaa aduu hawaasa baadiyyaatiif kennaa akka jiran himaniiru.
Tarkaanfiin mootummaan fudhate kun dhiyeessitoonni teeknooloojii anniisaa aduu teeknooloojii dhiyeessuu fi raabsuuf haala mijataa akka uume dubbatanii jiru.
Hawaasa baadiyyaa keessatti oomishtummaa qonnaa guddisuuf teknooloojiin barbaachisaa ta’uu fi dhaabbileen faayinaansiis dhala xiqqaadhaan qonnaan bultootaaf liqii kennuu akka qaban daayirektarri waliigalaa waldichaa ibsuu isaanii TOI’tu gabaase.
