Qaammeen 2 Guyyaan Waloomaa sadarkaa Naannoo Oromiyaatti Magaalaa Shaashamanneetti sirnoota garaa garaan kabajamaa jira
Af-Yaa’iin Caffee Mootummaa Naannoo Oromiyaa Aadde Sa’aadaa Abduramaan Itoophiyaan biyya sab-daneettii, af-daneettiifi seenaaf aadaa garaagaraa qabdu ta’uu eeruun “Biyya walooma gabbifachaa qormaata qolachuun har’a geessedha” jedhan.
Seenaan saboota, sablammootaafi ummattootaan galmaa’aa dhufe bu’aa waloomaa eeruun Itoophiyaaf waloomni iccitii guddummaafi birmadummaa ta’uu himuu isaanii odeeffannoon Komunikeeshinii Mootummaa Naannoo Oromiyaa irraa arganne ni mul’isa.
Qaammee 2 guyyaan Waloomaa, ergaa, “Heddumminni, Faaya Itoophiyaa” jedhuun bakka marattuu kabajamaa jira.
