Sadarkaa biyyaatti qorannoon busaa adda baasu taasisamuuf ogeessota raga sassaabaniifi qindeessitootaaf leenjiin kennamaa akka jiru ibsameera.
Leenjicha irratti kan argaman Deetaan Ministira Ministeera Fayyaa Dooktar Darajjee Dhugumaa dhukkuba busaa dhabamasiisuuf tattaaffii taasifamaa jiru fooyyessuuf qorannoorratti hundaa’uun odeeffannoo saayinsaawaa maddisiisuun dhukkubicha ittisuufi to’achuun akka danda’amu ibsaniiru.
Daayirektarri Olaanaan Inistitiyuutii Fayyaa Hawaasaa Itiyoophiyaa Dooktar Masaay Haayiluu qorannoon dhibee busaa adda baasu kun galteewwan ittisaafi qaqqabummaa ittisaa irratti kan xiyyeeffate ta’uu ibsaniiru
Dabalataanis qorannichi tajaajila yaalaa; daddarbiinsa dhukkuba busaa haadholii fi daa’immanii irratti akka xiyyeeffate dubbataniiru.
Hawaasnis ragaan gahaa fi qulqullina qabu akka sassaabamuuf qindeessitootaaf tumsa barbaachisaa akka taasisu waamicha dhiyeessaniiru.
Qorannoon agarsiiftuu Busaa kun naannoo hunda keessatti buufatalee fayyaa filataman 560 fi abbootii kuma 14 ol ta’an kan hirmaachisu ta’uun ibsameera.
Inistitiyuutiin Fayyaa Hawaasaa Itiyoophiyaa qorannoo agarsiiftuu busaatiif ogeessota ragaa sassaabaniifi qindeessitootaaf leenjii guyyoota torbaa Magaalaa Bishooftuutti kennaa akka jiru odeeffannoon Ministeera Fayyaa irraa argame ni mul’isa.
Shuumii Badhaasootiin
