Badhaasni Miidiyaa IGAD 3ffaan bara 2025 Magaalaa Finfinnee Hoteela Iskaayilaayititti adeemsifamaa akka jiru ibsame.
Sirni badhaasaa kun mata duree “Gabaasa Jijjiirama qilleensaa bu’a qabeessa, naannawa nageenyi mirkanaa’e, cimaa fi tasgabbaa’aa ta’eef” jedhuun adeemsifamaa akka jiru ibsameera.
Sirna badhaasa kanaa irratti Ministirri Dhimma Alaa Itoophiyaa Geediyoon Ximootiwos (PhD), Barreessaa Olaanaan IGAD Warqinaa Gabayyoo (PhD), Hoggantoonni mootummaa olaanoo fi keessummoonni affeeraman argamaniiru.
IGAD sagantaa kana mootummaa Itoophiyaa waliin ta’uun akka qophaa’e ibseera.
Sagantaa kanaf gaazexeessitootaa fi ogeessota fiilmii jijjiirama qilleensaa Gaanfa Afrikaa irratti hojjechuun bu’aa galmeessaniif beekamtiin kennama.
Badhaasni Miidiyaa IGAD bara 2023 irraa eegalee waggaa waggaan adeemsifamaa kan ture yoo ta’u, badhaasni bara 2023 Jibuutiitti kan bara 2024 Keeniyaa Naayiroobiitti adeemsifamuun isaa ni yaadama.
