Ijaarsa mana barumsaa moodeelaa Hararitti eegalameef birriin Miliyoona 540 ol ramadamuu Ministirri Barnootaa Piroofeesar Birhaanuu Naggaa beeksisan.
Prezidaantiin naannoo Hararii Ordiin Badirii waliin gahiinsaa fi qulqullina barnootaa naannichaa babal’isuuf waggoota darban hojiiwwan hedduun hojjatamuu kaasanii kanaanis bu’aaleen galmaa’uu dubbataniiru.
Manni barumsaa moodeelaa kun waliin gahiinsaa fi qulqullina barnootaa mirkaneessuuf faayidaa guddaa akka qabu ibsuu isaanii TOI’n gabaaseera.
Misoomaa fi guddina naannichaa cimsuuf gahee akka qabaatu eerameera.
Ministirri Barnootaa Piroofeesar Birhaanuu Naggaa “Dhaloota biyya barnoota ammayyaan ijaaramtee fi beekumsaan badhaate nu harkaa fuudhu horachuun cimee itti fufa” jedhan.
Hoogganaan Biiroo Barnootaa naannichaa Geetuu Nagawoo hojiileen qulqullina barnootaa eegsisuuf jalqabaman bu’aa fidaa jiraachuu ibsanii kana milkeessuuf ijaarsa mana barumsaa moodeelaa gahee olaanaa akka qabaatu ibsaniiru.
