Naannoo baha Afgaanistaanitti kirkirri lafaa rektar iskeelii 6 ta’een mudachuu hordofee lakkoofsi namoota du’anii 800 caalee jira.
Namoota balaa kanaan lubbuu isaanii dhabaniin ala lakkoofsi namoota miidhamanii kuma Tokkoo fi 300 gahuu isaa Madden oduu mootummaa biyyattii beeksisanii jiru.
Manneen naannoo kirkirri lafaa kun itti mudatetti ijaaraman cimina kan hin qabne waan ta’aniif balicha damdamachuu dadhabuu isaaniitiin wal-qabatee lakkoofsi namoota lubbuu dhabanii dabale jedhameera.
Kirkirri lafaa kun sigiga lafaa uumuu akka danda’u ogeeyyiin akeekkachiisaniiru.
Kirkirri lafaa kun kaabulii hanga Paaskistaan magaalaa guddoo Islaamaabaaditti fageenya kiilo meetira 300 irratti gamoowwan argaman raaseera jechuun Al-Jazeeraan gabaaseera.
