Bakka buutonni boqonnaa marii ajandaa walitti qabuu Dhaabbilee Federaalaafi Waldaalee irratti hirmaataa jiran garee 7 jalatti gurmaa’uun ajandaawwan isaanii qindeessaa oolaniiru.
Oolmaa har’aa waaree boodaan ajandaawwan gareesaanii karaa walitti qabdooota gareen hirmaattota waliigalaaf dhiheessaniiru.
Ajandaawwan tarreeffamaan dhihaatan karaa bakka buutota 14 gareewwan 7 irraa filatamaniin warren bu’uura ta’an filatamanii sanada tokkoon gurmaa’u.
Gareewwan ajandaasaanii dhiheessan torbanis bakka buutota Amantiifi dhaabbilee dimokiraasii, qaamolee mootummaa, dhaabbilee miidiyaafi rogeeyyii miidiyaa hawaasaa , Paartilee Siyaasa, qaamolee nageenyaafi tasgabbii, bakka buutota namoota dhiibbaa uumanii, waldaaleefi dhaabbilee garagaraati.
Ajandaawwan gurmaa’anis bor hirmaattotaaf erga dhihaatanii booda waltajjiin marii ajandaa walitti qabuu Dhaabbilee Federaalaafi Waldaalee ni goolabama.
