AMN PLUS- Onkoloolessa 24/2018
Bara 2026tti Jilli Faransaay Itoophiyaa akka daawwatu kan ibsame marii biyyootni lamaan hariiroo daldalaa qaban caalmaatti cimsuuf taasisan irratti ta’uu Ministeerri Maallaqaa beeksise.
Ministirri Ministeera Maallaqaa obbo Ahimad Shideen Ministira bakka bu’aa Ministeera Daldala alaa fi Diinagdee Faransaay Nikoolaasa Foriinsiiyer waliin dhimmoota waloo biyyoota lamaanirratti mari’ataniiru.
Dhimmoota tumsa diinagdee, daldalaa fi Invastimantii biyyoota lamaanii caalmaatti cimsanirratti mari’achuun waliigalaniiru.
Biyyoonni lamaan misooma indastirii, anniisaa haaromfamaa, bu’uuraalee misoomaa, qonnaa fi ce’umsa diijitaalaa irratti kan wal tumsan ta’uu ibsameera.
Itoophiyaan damee invastimantii caalmaatti cimsuuf imaammata fooyyessuu dabalatee hojiilee riifoormii dhaabbiilee hojjechaa jiraachuu Obbo Ahimad Shidee ibsaniiru.
Nikoolaas Foriisiiyer rifoormii Diinagdee Itoophiyaa dinqisiifachuun, Faransaay gama daldalaa, damee dhuunfaa fi invastimantiin hariiroo Itiyoophiyaa waliin qabdu daran cimsuuf kutannoo qabaachuu dubbataniiru.
