Hidhi Haaromsa Guddichi Itoophiyaa dandeettii waa xumuru lammiilee Itoophiyaa kan mirkaneessee fi hojii gaarii addunyaatti agarsiise ta’uu hayyoonni Yuunivarsiitii Finfinnee ibsaniiru.
Hidha Haaromsa Guddicha Itoophiyaa kan lammiileen Itoophiyaa beekumsaa fi dandeettii maallaqaa mataa isaaniitiin ijaaran ta’us yaadachiisaniiru.
Hidhi Haaromsa Adawaa Lammaffaa Itoophiyaanonni hundi itti hirmaatan, kan uummata tokkoomse ta’uu Hayyoonni Yuunivarsiitii Finfinnee ibsaniiru.
Yuunivarsiitii Finfinneetti Barsistuun Muummee Miidiyaa fi Kominikeeshinii Agaradach Jamaanee (Dr.) akka dubbatanitti Hidha Haaromsa Guddicha Itoophiyaa xumuramuun isaa lammiileen Itoophiyaa akkuma bilusummaa isaanii kabachiisan gama diinagdeetinis biyya isaanii misoomsuu akka danda’an qabataman kan itti mirkaneessaniidha jedhan.
Barsiisaa Hayilegiyoorgis Maammoo (Dr.) Muummee Miidiyaa fi Kominikeeshinii kan barsiisan hidhi haaromsa guddichi Itiloophiyaa ilaalcha addunyaan Itoophiyaaf qaban jijjiireera jedhan.
Lammiileen Ityoophiyaa garaagarummaa tokko malee kaayyoo tokkoof hojjechuun milkeessuu akka danda’an kan agarsiise ta’uus dubbataniiru.
Muummee Miidiyaa fi Kominikeeshiniitti barsiisaa kan ta’an Gargaaraa Piroofeesaraa Makuraa Makaashaa akka jedhanitti, Hidhi Abbayyaa kan lammiileen Itoophiyaa hundi gumaachan amma Itoophiyaaf eebba guddaa ta’uu ibsaniiru.
Ummanni fi mootummaan gara fuula duraatti pirojektoota gurguddoo biroo ijaaruuf akka yaadan kan jajjabeessu carraa misoomaa guddaas uumeera jedhan.
Hayyoonni kunneen Hidhichi Itoophiyaa qofaaf osoo hin taane biyyoota biroofis fayyadamummaa waliinii kan mirkaneessu ta’uu eeruu TOI gabaase.
