AMN PLUS- Onkoloolessa 24/2018
Fooramiin Invastimantii Itoophiyaa fi Gamtaa Awurooppaa Faransaay Paarisitti adeemisifamuu eegaleera.
Fooramichi tumsa diinagdee Itoophiyaa fi Gamtaa Awurooppaa giddu jiru cimsuu fi carraawwan invastimantii haaraatti fayyadamuun akkaataa danda’amurratti kan mari’atu ta’uun ibsameera.
Fooramicharratti Ministirri Dhimma Alaa Geediyoon Ximootiwoos (PhD), Ministirri Maallaqaa obbo Ahimad Shiidee, Gamtaa Awurooppaatti Daayirektarri Eeggataa Afrikaa Geezaa Sitiraamar, Ergamaan Ministeera Daldala Alaa fi Diinagdee Faransaay Niikoolaas Faarsiyari argamaniiru.
Obbo Ahimad Shiideen fooramicharratti fooyyeessii diinagdee gooroo irratti ibsa kennaniin, riifoormichi invastimantii damee dhuunfaa hawwachuu fi walitti hidhamiinsa Itoophiyaan diinagdee addunyaa waliin qabdu caalmaatti guddisuu ibsaniiru.
Baniinsa fooramichaarratti anga’aan biyyattii haasaa taasisaniin, tumsi diinagdee Itoophiyaa fi Gamtaa Awurooppaa gidduu jiru guddachaa akka dhufe kaasaniiru.
hojiilee Itoophiyaan Dhaabbata Daldalaa Addunyaa (WTO)tti makamuuf hojjechaa jirtus dinqisifataniiru.
Fooramii Invastimantii kana irratti carraawwan Invastimantii Itoophiyaan dameelee qonnaa, daldala, anniisaa haaromfamaa, ce’umsa diijitaalaa fi bu’uuraalee misoomaan qabdu dhiyaateera.
Itoophiyaa fi Gamtaan Awurooppaa damee daldalaa, invastimantii fi diinagdeen daran wal tumsuuf kutannoo qabaachuun ibsamuu isaa odeeffannoon Ministeera Dhimma Alaa irraa argame ni mul’isa.
