Komishiniin Gumuruuka Itoophiyaa leenjifamtoota haaraaf Galma Bar-kumee keessatti sagantaa simannaa qopheessaa jira.
Sagantaa kana irratti Komishinarri komishinii Gumuruuka Itoophiyaa Dabalee Qaabataa, Pirezidaantii Yuunivarsiitii Finfinnee Saamu’eel Kiflee (PhD) fi keessummoonni affeeraman argamaniiru.
Komishinar Dabalee ergaa dabarsaniin Komishiniin Gumuruukaa Itoophiyaa dhaabbata cimaa ijaaruuf hojiiwwan adda addaa hojjechaa akka jiru ibsaniiru.
Humna namaa naamusaa fi cimina qabu uumuuf dambiiwwaniifi hojimaata yeroo ammaa wajjin deemu qopheessuun dhaabbata teeknooloojiin gurmeessuu hojjetamaa akka jiru eeraniiru.
Komishinicha gama humna namaatiin daran gurmeessuuf guutuu biyyattiirraa hojjettoonni haaraan kuma sadii ol qacaramuu komishinarichi himaniiru.
Ogeeyyiin haaraan kunneen leenjii kana sirnaan fudhachuudhaan ergama biyyi isaaniif kennituuf of qopheessuu akka qaban dhaamaniiru.
Hojiin komishinichaa caasaa cimaan gurmaa’ee akka itti fufu mirkaneessaniiru.
Madda: Tajaajila Oduu Itoophiyaa
