Nageenya Waaraa fiduuf milkaa’inaan hojjetamaa akka jiru Ministirri Nageenyaa Mahaammad Idiris himaniiru.
Ministirichi Naannolee hunda fi bulchiinsa magaalota lamaanuu irraa hooggantoota qaamolee nageenyaa walitti dhufan waliin Adaamaatti mari’atee jira.
Marichi mata-duree “Nagaa keenya waareessuun, Itoophiyaaf ciminaan hojjechuu” jedhuun adeemsifamaa jira.
Ijaarsa nagaa biyya keenyaa, toftaa ittiin walitti bu’insa hiikuun danda’amuufi irratti hubannaa gahaa qabaachuun misooma cimsuu kan dandeessisu gaggeessummaa iftoominaa fi qophaa’ummaa qabu ijaaruun kaayyoo Waltajichaa akka tahe hubachiisameera.
Obbo Mahaammad Itoophiyaatti nageenyaa waarawaa mirkaneessuuf mootummaan hojiilee dandeessisan raawwataa akka jiru ibsaniiru.
Haala kanaan dirree siyaasaa ballisuu irraa eegalee balbala nageenyaa banaa gochuun hidhattootni naannolee garaa garaa keessa socho’an hedduun karaa nagaatti akka dhufan taasisuun akka danda’ame dubbataniiru.
Hojiileen Waamicha nagaa mootummaa, olaantummaa seeraa kabachiisu nageenya itti fufiinsa qabu mirkaneessuun damdamannaa misooma biyyaatiif gahee taphachaa akka jiru himaniiru.
Miniteerri nageenyaa nageenya waaraa mirkaneessaa, hojiiwwan ijaarsa dhaabbilee cimsee akka itti fufu eeraniiru.
Deetaan Ministira Ministeera nageenyaa Keeyiraddiin Tazarraa (Dr.), Ajajaan ittisa yakkaa, Itti Aanaa Hoogganaa Poolisii Federaa Komishinara Jeneraalaa Malaakuu Fantaa dabalatee hooggantoonni Federaalaa fi Naannolees marii kanarratti argamaniiru.
