Miidiyaa hawaasummaa fayyadamuun qaamolee nageenyaa Magaalaa Finfinnee booressuuf yaalaniif obsa akka hin qabne Qajeelchi Waliigalaa Poolisii Finfinnee beeksisee jira.
Nageenya uummataa kabachiisuuf hojii qindoominaa hojjetameen hammantaa yakka uumamaa turanii dhibbantaa 43’n hir’isuun akka danda’ame qajeelchi kun ibsee jira.
Tibbanas yaaddoo nageenyaa uumuuf yaadanii tiktookii fayyadamuun odeeffannoo addaddaa qoodaa kan turan Kirubeel Malaakuu, Ahimad Shaahir, Mikaa’el Abiyyi, Barakat Daani’eel fi Abiyyuu Daggaaraga kan jedhaman namoota shan to’annoo jala oolcheera.
Namootni kunneen Tiiktookii fayyadamuun nagaaf tasgabbii magaalaa Finfinnee jeequuf socho’aa turuu Poolisiin ibseera.
Yakki raawwatame harkaa fi harkatti akka qabamu dandeettiin hawaasichaa guddatee poolisiif kallattiin toorri ittiin odeeffannoo kennan mijaa’aa akka jiru Qajeelchi Waliigalaa Poolisiin Finfinnee beeksiseera.
Gochaawwan kana fakkaatan magaalaa Finfinnee keessatti namoota raawwatan irratti tarkaanfii akka fudhatu Qajeelchi Waliigalaa Poolisii Magaalichaa ibsa AMN’f ergeen beeksiseera.
