Dhamaatii tajaajilaa hambisuuf tajaajilli iddoo tokko MASOB gumaacha olaanaa akka qabu Ministirri Muummee Itti Aanaan Obbo Tamasgeen Xurunaa ibsan.
Obbo Tamasgeen Xurunaa Tajaajila iddoo tokkoo MASOB Magaalaa Dasee eebbisiisuun hojii jalqabsiisaniiru.
Kenna tajaajilaa sakatta’uun tuttuqqii harkaatirraa bilisa kan ta’e tajaajila argachuun akka barbaachisu ibsaniiru.
”Uummatni Dasee warra misooma barbaadu, haqaaf kan dhaabbatan, mariitti kan amanaan, Itoophiyumman kan boonaanifi tokkummsatti warra amanuudhaa” jedhaniiru.
Sochii olaanaa misooma magaala Dasee daawwachuu kan himan Miniatirri Muummee Itti Aanaan, misooma kana itti fufsiisuuf tajaajilli dijitaali iddoo tokkoo MASOB gumaacha olaanaa akka qabus ibsaniiru.
Tajaajilli iddoo tokkoo kun asiif achi deemii maamiltootaa hambisuun yeroo, baasiifi dadhabbi akka irraa hambisu Obbo Tamasgeen dubbataniiru.
Tajaajila iddoo tokkoo MASOB sirritti babal’isuun cimaanii akka itti fufsiisun akka barbaachisus ibsaniiru.
Gama biraatiin misooma kooridarii jalqabame cimsanii itti fufsiisuun qulqullina magaalatti eeguun akkasumas nageenyifi misoomni akka walsimuuf hawaasni nageenya eeguu akka qabanis dhaamaniiru.
