Bara baajataa 2017tti Tajaajilli Mana Qopheessaa haqa qabeessa, dhaqqabaa fi fedhii maamiltootaa kan guute ta’uu Sadarkaa Kantiibaa Itti Aanaatti Hoji Gaggeessaan Olaanaa Bulchiinsa Magaalaa Finfinnee Injinar Wandimmuu Seetaa himan.
Waajjirri Hoji Gaggeessaa Magaalaa Finfinnee dhaabbilee dhimmi ilaaluufi waliin hojjatu waliin raawwii hojii bara 2017fi karoora bara 2018 irratti marii gaggeessee jira.
Bara 2017tti qofa lammiilee Miiliyoona 3 fi kuma 100 ol tahaniif waraqaa eenyummaa Dijitaalaa Faayidaa argachuuf akka galmaa’an Injinar Wandimmuu Seettaa dubbataniiru.
Bakkeewwan balaa abiddaaf saaxilamoo ta’an fala akka argatan gochuu kan dubbatan Injinar Wandimmuun, kanaanis qabeenyi Birrii Biiliyoona 12 fi Miiliyoona 7’tti tilmaamamu balaa abiddaa irraa akka oolu taasisameera jedhan.
Bakkeewwan dukkana ta’an ifa akka argatan gochuu fi ibsaa daandii irraa hojii dhaaban sirraa’anii akka hojjetan waan taasifameef sochiin daldala halkanii akka adeemsifamu haala mijeesseera jechuun dubbataniiru.
Teediroos Yisaatiin
