Yuunivarsitiin Finfinnee ayyaana hundeeffama waggaa 75 Diyaamandii, kabajuuf kan dandeessisu qophii xumuree jiraachuu Eeggataan Chaansilara Yuunivarsitichaa Saamu’eel Kifilee (PhD) ibsan.
Yuunivarsitichi gara of danda’uutti ceesisuuf qophiin taasifamaa jiru xumuramuunis ibsameera.
Baatii Muddee bara 1943 erga hundeeffamee eegalee misooma humna namaatiin qo’annoo fi qorannoon gahee adda durummaa isaa bahaa jiraachuu himan.
Ayyaana hundeeffama isaa waggaa 75ffaa yaroo kabajamu gumaacha yuunivarsitichi gumaache yaadachuun itti fufiinsaan hojiiwwan hojjetaman cimsuuf karoorsuuniidha jedhan.
Bu’uura kanaan shoora yuunivarsitichi gumaache kitaabaan qophaa’ee ifa gochuun filmiin gabaasaan seminaarii barnootaan marii paanaaliin ayyaanicha sababeeffachuun hojiiwwan sagantaa torban tola ooltummaa qophaa’uu isaanii TOI gabaaseera.
