Magaalaan Finfinnee calaqqisiistuu waloomaa sab-daneessummaa Itoophiyaa akka taate Kantiibaan Magaalaa Finfinnee Aadde Adaaneech Abeebee ibsan.
”Finfinneen mana Saboota, Sab-lammootaafi Uummattoota Itoophiyaati” kan jedhan Aadde Adaaneech, tokkummaa sab-daneessummaa mirkaneessuun ol-ka’iinsa Itoophiyaaf uummattoonni tokkummaan dhaabbachuuf Finfinneen agarsiistuu akka taates ibsaniiru.
Seenaa, aadaafi duudhaa walii kabajuun, waloomaan cimanii hojjachuun akkasumas, obbolummaan waliin dhaabbachuun badhaadhina Itoophiyaa mirkaneessuuf Finfinneen fakkeenya akka taate Kantiibaa Adaaneech dubbataniiru.
Finfinnee Magaalaa mana hundaafi hammattuu taate dhalootatti dabarsuuf wal-amanuufi wal-deggaruun hojjechuun akka barbaachisus dhaamaniiru.
Obbolummaan kaayyoo waloof dhaabbachuun, aadaafi duudhaa walii kabajuun hawwata tuuristii daran akka dabale kan dubbatan Aadde Adaanech, hojii bulchiinsa gaariifi fayyadamummaa uummataa mirkaneessuuf xiyyeeffannoon akka hojjatamaa jirus eeraniiru.
”Biyya waloo, hiree waloo, seenaa waloofi galma waloo qabna” kan jedhan Kantiibaa Adaanech, heddummina waloomaan faayame kanaan cimanii hojjachuun badhaadhina Itoophiyaa milkeessuun akka danda’amus ibsaniiru.
Malkaamuu Abbabaatiin
